monumenta.ch > Plinius > sectio 51

Word Selection for Searching

Report an Error in this Sectio
Plinius, Naturalis Historia, 15, 51
{XV} germanitatis cohaerentia gemella, numquam singula in fetu, colore syrica, cognatione melapia, mustea a celeritate mitescendi, quae nunc melimela dicuntur a sapore melleo, orbiculata a figura orbis in rotunditatem circumacti - haec in Epiro primum provenisse argumento sunt Graeci, qui Epirotica vocant -, mammarum effigie orthomastia, condicione castrati seminis quae spadonia appellant Belgae.